السلام عليكم ورحمه الله وبركاته
السماح للبنات بلعب كره القدم بنادي الباحر ...!!!
وذلك وفق الشروط والقوانين التاليه :
× يمكن استبدال اللاعبه بالشغالة في الفترات التي تتعب فيها على ان لاتزيد فترة الاستبدال عن ثلاث تغيرات فى المباراة الواحده ..!!
(يمدحون السيرلانكيات يتحملون اكثر ) التكرونيات ممنوعات من العب !!!
× ممنوع اصطحاب الاطفال اثناء المباراة ..!! ( تحسبون انكم رايحين للملاهي) فكونا من بزارينكم !!!
× ممنوع لبس الكعب العالي ..!! ( القصيرات لايسجلون نبي الشمحوطات ) شمحوطه = طويلة !!!
× عدد اشواط المباراة اربعه لتعديل المكياج وصف الشعر ..!!
( الي شعرها خشن لاتسجل ثم تبلشنا كل شوي تبي تستشور كشتها بتعلق الاستشوار برقبتها وترى العدسات الملونه ممنوعه والرموش بعد لاتوهقونا ترى فيه كشف طبي لتحديد النسل !!!
× لا يسمح بالحش في الملعب وفي حالة ثبوت قيام لاعبه بالحش فى لاعبه اخرى في منطقة الجزاء يحتسب ضربة جزاء ..!!
( نعم و مانبي وكالة يقولون ) والي بتحش ترى بنكتب على فنيلتها من وراء حشاشه !!!
× لا يسمح بفوز فريق على الآخر باكثر من هدف مراعاة لمشاعر الفريق المهزوم ..!! ( ايه خابرينكم حنينات = رقيقات بالحيل ) لاتقوم دموعكم تهلهل كأنكم بفلم هندي !!
× في حالة التعادل بين الفريقين يعتبر الفريق الاكثر اناقة هو الفائز ..!!
( اية البسو طقوم متناسقة الوانها لاتفشلونا قدام العالم ) وممنوع اللون البرتقالي ههههههههههه ما احب هذا اللون !!!
في حالة الخشونة من لاعبة ضد أخرى يحل الخلاف وديا بدلا من احتساب فاول حتى لاتكبر المشكلة ويتدخل الاهل وتعرفون الاهل يسوون من الحبة قبة ..!! ( ممنوع تمعاط الكشش والعض )ياكثرهم بعد العضضات !!!
× تم تغيير مخالفة لمسة يد الى مسمى اكثر حضاره وهو لمسة حنان ..!! ( عاد لاتمسخونها وتقولون عندنا نقص حنان ونبتلش فيكم ) !!!
× يمكن للاعبة حمل شنطتها على الا تحمل فيها ادوات حادة ..!!
( فكونا من البكل الي كنها دبابيس ترى ممنوعه ) والي بنلقى معها بكل حادة تستبعد من التشكيلة ) بكلة = توكه = يرفع فيها الشعر او القذله !!!
يالله يابنات نبي موافقكتم والي عندها اعتراض على واحد من هالشروط
تجي الله لايهينكم بعتراضها هنا حتى نتمكن من دراسته والرد عليها ومناقشته مع اعضاء الاتحاد الباحر ..بس ولايهمكم لعيونكم بتحمل كل مايترتب على الموضوع من تكفيخات المهم نوريهم ان البنات يبيضون الوجه اكثر منهم ههههههههه ابوك يالنصب اخاف بس تفشلوني كل وحده تقول اناوقعت عقد احتراف مع منتخب البرازيل والثانيه بالارجنتين وتخلون فريقنا يدج دجه مهيب صاحية !!!
يالله ترى احتريكم واستعدو للمبارة القادمه والله الله بالتمارين مانبي اوزان زايده مافوق الـ50 كيلو تستبعد من التشكيلة ( نشجع العصلان وندعم الرشاقة ) الدبيات يقعدن بالبيت ازين لهم ياكلون كراث ويقشمون فصفص...!!!
اعلانات منتديات الباحر
15 May 2005, 02:36 PM
المواضيع المتشابهه
شروط منتخب الباحر للسيدات
العرض العادي
