--------------------------------------------------------------------------------



قبل لا نبدأ بقراءة الموضوع أحذرك لو مت من الضحك ترى ماهو ذنبي كان فيه ولد طفران (ماعنده ولا ريال )راح لأبوه
وقاله : عطني 15 ريال ,, ودي أشتري كوره
الأب: أقول أنقلع عني تراها واصله معي
الولد : تكفا يبه ,, بس 15 ريال ولا أقولك خلها 10ريال
الأب :ماعندي فلوس إذا تبي فلوس رح بع الديك حقك المريض اللي بالحوش ,,
الولد :بس هذا مريض وما أحد بيشتريه
الاب :ماعلي منك دبر نفسك والله
الولد استسلم للأمر الواقع وأخذ الديك وأول واحد قابله في وجهه آكيد ابوه
قال الولد :تشتري الديك ؟
الاب :أقول بتنقلع عني ولا أقوم أتوطا في بطنك؟
الولد:خلاص خلاص لا تنفخ طلع الولد من البيت ومعه الديك وفي محاوله يائسه ان الديك ينباع عرض الديك على أهل الحاره كلهم ولا واحد فيهم قبل ان يشتري الديك
قال الولد :ممممممممممممممممم والله مالي إلا فلانه عقلها خفيف وأكيد بقدر ألعب عليها بسهوله
فلانه هاذي كانت واحده متزوجه بس للاسف كانت رايحه فيها وتلعب بذيلها من ورى زوجها
راح لها الولد عشان يبيع عليها الديك
الولد:تشترين الديك تكفين؟
الحرمه :هلا والله حبيبي تعال قرب مني عشان أبوسك بوسه خفيفه
الولد :أقول مني فاضي لك .. خذي مني الديك وخليني أروح
الحرمه :تروح وين ياعمري !! أنا ماصدقت أشوف رجال عندي في البيت ...
الولد:ومنهو اللي قالك إني رجال خذي مني الديك وخليني أنقلع
شوي إلا والباب يدق خافت الحرمه
وقالت للولد :تعال أنثبر هنا في الدولاب لايطلع زوجي ثم نروح فيهاحطت
الولد في الدولاب وراحت فتحت الباب ألا وطلع لها صديقها اللي تخون زوجها معه
الحرمه : هلا والله بعمري وحياتي
الرجال:هلا فيك ياعمري
ماأمدا الرجال يكمل كلمته الا والباب يطق
الحرمه : ياويلي ويلاه...... هذا شكله زوجي ......تعال وادخل في الدولاب
دخل خوينا في الدولاب وفجأه وفي عز الظلام سمع صوت يكلمه داخل الدولاب
ويقوله :تشتري الديك ؟
الرجال : اصصصصصصصصصص قصر صوتك الله يرحم والديك لاتفضحنا
الولد :أقول تشتري الديك ؟
الرجال: ياخوي خلاص أبشتري الديك بس قصر على حسك تكفا
الولد : طيب الرجال : بس بكم تبيعه ؟ الولد : بـ100ريال
الرجال : أيش!!!!!! هالديك المنتوف المريض بـ100ريال
الولد : وش دراك أنه منتوف ومريض ؟ المهم تبي تشتري ولا أرفع صوتي ؟
الرجال: لا لا خلاص.... أباأشتري وأمري لله
جلسوا 5دقايق
الولد : تبيع الديك ؟
الرجال : توك بايعه علي يابن الحلال !!
الولد : تبيعه علي ولا أرفع صوتي؟
الرجال: لا لا خلاص ببيعه وأمري لله .. بكم تشتريه ؟
الولد : بريال الرجال : ايش !! بريال!!!!أنا مشتريه منك بـ100ريال وأنت تشتريه مني بريال!!!! الولد : تبيعه على والا أرفع صوتي ؟
الرجال : لا لا خلاص... ببيعه وأمري لله
جلسو 5 دقايق الولد : تشتري الديك؟
الرجال : ياخوي توني مشتريه منك !!
الولد :تبي تشتري ولا أرفع صوتي؟
الرجال: لا لا خلاص بشتري وأمري لله ... بكم تبيعه ؟
الولد : بـ200ريال
الرجال: الله يرجك إن شاء الله .. توني مشتريه منك بـ100ريال
الولد: تبي تشتري ولا أرفع صوتي؟
الرجال : لا لا خلاص بشتري وأمري لله
جلسوا 5دقايق
الولد : تبيع الديك؟
الرجال: أنالله وأنا اليه راجعون ... بكم تبي تشتريه ؟
الولد: بريال
الرجال: وش تبيني أقول !! تبيني أبكي ولا أشقق هدومي ....... يالله خذ الديك وبلاش بعد أن أخذ الولد الديك شوي الا الحرمه فاتحه عليهم الدولاب
وقالت لهم بسرعه أنحاشوا دام زوجي في الحمام بس واحد ورا الثاني وبشويش عشان لايحس فيكم زوجي
طلع الرجال وانحاش ولحقه الولد
بعد5دقايق المهم..قام الولد يتمشى في الشارع وهو مستانس لأنه صار معه فلوس ..
بعدين راح للبيت يوم دخل البيت شاف أبوه قدامه ..
راح قال لأبوه : تشتري الديك ؟
الاب ناظر فيه والشرار يطلع من عيونه
وقاله : مايكفيك يابن (؟؟؟؟) الـ300ريال اللي لطشتها مني في الدولاب




أن شاء الله تكون اعجبتكم

ههههههههههههههههه

حلووووووووووووووووووه


الولد طالع لابوه

يا اخي حرام عليك والله بطني تقطع من الضحك



شكرا ولا تحرمنا من المزيد

اهم شى الوناسه يا جماعه

حلووووووووه يا رحاب

يعطيكي ألف العافية

اللع يعاااااااااااااافيك يا الهائم

ههههههههههههههههههههههههههههههههههههههههههه

تسلم على الرد