:050104_em مـرحبـ ـمـ ـبـك انـت وايــاه
كيفكم يا زلمات
اليوم معانا شوية نكت .. فلسطنية وأردنية
يعني حاجة .. كهوة وكنافة خالص
بس بيني و بينكم .. نكت زنخة
من النوع الي بيجيبلك صداع
ولََك شو هاااظ، اكعد كاعد تاكُلّك ... بدك تاكل كتلة ولك )))))
كدّيش عكلُه خُزُك هالـ شفيك
((((( ولك اعكل يا شفيك
(واحد عاش الدور)
------------------------------------------------
ملحوظة : لغير الناطكين بالغزاوي
الرجاء ابدال أي (ك) بـ (ق) مما ذكر سابكا
------------------------------------------------
مره واحد بيحشش بيقول لصحبه امبارح اجيت اسحب نفس
قالوا لى ملكش رصيد
واحد هبيلة معاه حزام اسود في قتال الشوارع
بس طلع على الرصيف،، اكل قتله
مرة كبريتة حكّت راسها ولّعت
مره واحد حباب و واحد حب شباك
مرة واحد سكر التلفزيون على اصبع أخوه
محشش بيسأل الثاني لو ولعت النار في البحر شو بيصير؟
رد عليه بيطلع السمك مشوي
مرة واحد كحتوت و واحد كح فراولة
محشش ركب دماغه .. عمل حادث
واحد طفيلي دخل على ناس اجا صاحبه صار يعرفه عليهم و يقولو فلان من الطفيلة..علان كمان من الطفيلة قالو :يا الله قديش في طفايلة هون قاله صاحبه :هدا كيف لو رحت عالطفيلة
محشش يرجم الشيطان وهو متلثم سألوه الناس ليه؟؟
قالهم يمكن أحتاجه في يوم من الايام
واحد طفيلي .... زهق من الحياة و بده ينتحر .. جاب حبل و راح على الغابة ... و ربط الحبل و علق رجليه فيه و راسه لتحت .. مر عليه واحد و قله .. يا زلمه ماك ؟؟ شوو بتساوي؟
قله .. خلص خيوه .. أني انسان .. بدي أنتحر .. فرد عليه هظاك و قله مش هيك اللي بده ينتحر .. لازم تعلق رقبتك بالحبل
!! قله .. يا زلمه بتفكرني حمار والله جربت .. و رحت ما أموت فيها
ليه البرازيليين ما بيكلوش تين ؟؟
عشان البرازيل من امريكا اللاتينيه
محشش طلع من الحمام ماسك عصا ليش ؟؟
علشان ما تضربه لفحة هواء
واحد لطخ إمو بتعتتو على السوق يشتري رز
ضل طول الطريق يحكي رز رز رز رز رز مشان ما ينسى
خبط بالعمود انطفا ضووه .. صار يحكي طز طز طز طز
في مرة اتنين عنيدين تعاندو مين اعند من التاني قام رح العنيد الأول ع بيت العنيد التاني ودق الباب قام العنيد التاني الي في البيت الي راح عليه العنيد الأول قال مييييييييييين قام قالو العنيد الأول أنننننننننننا قام رد العنيد التاني و قالو لاء مش انت
مرة أرنب طالع يجري من الطفيلة
شافو أرنب صاحبو سألو شو في؟؟
قاله: الطفايلة عم يصيدو حمير
قاله الأرنب الثاني: وإنته شو خصك؟؟
قاله: روح إسأل الطفايلة
شو الأشي الي أصغر من الحشرة؟
تسحة
طب شو هو الإشي الي أصغر من الخسة؟
الأبعة
على شاطىء البحر سأل الأول : شو مبين الأخ منسجم ؟
فأجابه الثاني لا يا أخي أنا من حمص
قاضي طفيلي بيحكي لطفيلي مجرم ليش قتلتوا بالسكين
قلو معلش الحاله الماديه تعبانه معيش حق مسدس
مرة خاروف طنط ماشي بالشارع راحت ما تدعسه سيارة حكى يييي كان هلا سرنا منسف
مرة وحدة قالت لجوزها بكرة عيد زواجنا شو بدنا نعمل فيه؟؟
قالها من اول ما نصحى الصبح بنوقف دقيقتين حداد
مرة دكتور عيون راح على عرس نقط العريس بعينه
خاروف اتزوج سحليه شو خلفو؟
خاروف صغير بمشي ع الحيط
خاروف اتزوج جاجه شو خلفو؟
صوص بـ ليّه
مرة اسد بيخطب بالحيوانات بالغابه وقال لهم
الحلوين يروحو عاليمين واللي بيفهمو يروحو على اليسار
كلهم انقسمو الا الحمار
قال له الاسد " شو مالك ..؟؟ ماتتحرك
قال الحمار :
شو يعني بدك اياني اشق حالي نصين
مره في تلات نملات راحوا يتحمموا
رجعوا تنتين ليش؟؟؟؟
التالته علقت بالليفه
زلمة قاعد جوة داره وميت م التعب
ولا هو يسمع دقات خفيفي عالباب
طنش .. بس الدقات استمرت وازعجته
قام وهو مولّع وفتح الباب
ولا هو يشوف انه حلزون هو اللي بدق
قام ضربه شلوط وسكر الباب
بعد ابو سنتين تلاتة واذا به بسمع كمان دق خفيف
قام فتح الباب ولا هو بشوف الحلزون كمان مرة
والحلزون بقوله "طب لايش الشلوط"؟
اثنين محششين بتكلمو الاول حكى للثاني اليوم شفتلك فيل زهري طاير .. قالو الثاني بس بلاش زهري
طفيلي دعا ربنا 15 سنة يرزقوا ولد , وما كاين يجيلوا ولد
بشتكي لأمه بيقولها .. بادعي كل يوم وبرضه ما اجاني اولاد
!! أمه شاتتوا شلوط وقالت له : ولك اتزوج بالأول
سألو طفيلي شو بتسوي اذا رشو كيماوي؟
قال بسوي حالي نايم
بن لادن بحكي لطفيلي انا ما خرّب عليّ الا حلف الشمال
قالو الطفيلي يا زلمة انت غشيم عن أهل اربد؟؟
سألو محشش شو الطير الي يبدأ اسمه بحرف الكاف ؟؟
قال كنتاكي
واحد دار حليب في موتور السيارة طلع من الأكزوزت جبنة
مرة واحد عصبي بمزح مع حالو راح قلبها جد
سايق سيارة أموات بغازل وحدة .. فراحت سبت عليه .. قالها ولك بموتو عشان يركبو معي
(سالو بنت -يااي- شو يعني (عزا
حكت:بارتي حزين بيوزعوا فيه قهوة دايت
مره واحد بيسال صاحبه ليش هالمحل دايما ً فاتح طووووووووول اليوم ؟؟
رد عليه وقال :- شكله مضيع مفاتيحه
وحياة ماما وبابا وشيبس ليييز ؟.. انا بكرهك..!؟
" عيل محشش،، بستهبلوه اولاد الجيران"
لا تستغرب لما تشوف مجموعة خلايله على الشجرة و على الأرض واحد طفيلي ليش؟؟
لأنه الخليلي لما يستوي بيوقع و بصير طفيلي
اعلانات منتديات الباحر
11 Apr 2005, 09:05 AM
المواضيع المتشابهه
اليوم معانا ... شوية نكت اردنية وفلسطنية
لا 
العرض العادي
