_ في محشش سال أخوه قاله التعلب بيولد ولا يبيض؟، راح قاله:التعلب مكار توقع منه أي شئ

****
مرة واحد مسئول بيفتتح حمام سباحة فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم يا عوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملا الحمام ميه".!!!

****
صعيدي جاله عقد عمل فى فرنسا، و كان مابيعرفش فرنساوى.. فشال الهم و بقى قلقان جدا من السفر.. قابله ابن عمه و سأله: واه، مالك يا حمدان شايل طاجن ستك؟؟
- اسكت يا حميدة, دايلى عجد عمل فى بلاد الفرنساو و مابتحدتش فرنساوى عاد ، دبرنى...
- ليه عاد ؟؟ هو الفرنساوى معضلة؟؟ده مافيش أسهل منه!!
- كيييف؟
- أنت أي كلمه تحط فى أخرها "اون" تبجى فرنساوى علطول!!!
عمك حمدان ماكدبش خبر وسافر على فرنسا.. و دخل مطعم فرنساوى و بقلب جامد نده للجارسون و قال له: - عاوزون رزون و لحمون و ملوخيون!
- Pardon??!!!
- لا سخنون

****

ــ مرة صرصار كان رايح السيما وهو داخل شاف بوستر دعايا لبف باف فقال: إيه ده من أولها رعب ولا إيه.

****
ــ واحد صاحب مزرعة فراخ محمل العربية فراخ و سايق وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح والبلد مش لاقية تاكل؟؟". و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة عشان تسمم الناس؟". الراجل مكمل ع الطريق وقفته لجنة، الظابط سأله "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي هي عايزاه"

****
ــ مرة الريس عايز يزود شعبيته فقال لرئيس الوزرا يعلي الأسعار فالناس تتضايق يقوم هو ينزلها، فعلا رئيس الوزرا زود الأسعار، بس الناس ما اتكلمتش، عادي خالص، الريس استغرب قوي، وقاله: طب خلي الضرايب على المرتبات خمسين للمية. زود رئيس الوزرا الضرايب خمسين ف المية، الناس هزت دماغها وسكتت. الريس اتجنن وقال لرئيس الوزرا بص، طلع أي قرار غشيم من عندك يخلي البلد تولع، رئيس الوزرا عمل ضريبة اللي يعدي كوبري يدفع عشرة جنيه، الناس نفخت و ضربت كف بكف ودفعوا، فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل م الناحية التانية، الناس قالت اللهم طولك يا روح و أمرنا لله و دفعوا.
رئيس الوزرا كبرت ف دماغه، وأمر إن اللي يعدي بعد ما يدفع عشرة جنيه، و هو خارج م الكوبري ياخد على قفاه، و نزل الريس بنفسه متنكر يتابع الموقف، الناس تدفع وهية طالعة الكوبري عشرة جنيه، و عشرة جنيه و هية نازلة و تاخد على قفاها وتمشي، شوية و لقى واحد بيزعق و متضايق، وطى على ودنه قال له "مالك؟" قال له "حاجة تقرف! أنا متعطل خمس ساعات..لازم يزودوا الناس اللي بتدينا على قفانا!!!!

****
ــ سواق ماشى ع الطريق، واحد لابس أحمر في أحمر شاور له، فوقف السواق و قال له "إنت مين وعايز ايه؟" قال له "أنا الفرفور الأحمر وعايزك توصلني" فقال له "لا ما باوصلش فرافير"، و مشى و سابه.
شوية لقى واحد لابس أصفر في أصفر وبيشاور له فوقف و قال له "إنت مين و عايز ايه؟" قال له "أنا الفرفور الأصفر و عايزك توصلني فقال له "لا أنام باركبش فرافير"، و مشى و سابه.
شوية وقابله واحد لابس أخضر في أخضر عمل معاه نفس الحكاية فالسواق قال له "ما باوصلش فرافير خضر" سابه و مشي. شوية كمان كده و لقى واحد لابس أبيض في أبيض بيشاور له فالسواق وقف و قال له "يا ترى انت بقى الفرفور الأبيض" فقال له "الفرفور الإيه؟ رخصك يا حبيب مامتك!

****
ــ واحد متغرب رجع لأهله، وكان اتجوز في الغربة، وربنا اداه ولدين واحد أبيض أشقر، والتاني أسود، فسألته أمه ليه كل واحد من ولادك له لون مختلف، فقال لها: لما حملت مراتي واحنا في المانيا قعدت في البلكونة، فبقت تشوف ألماني رايح وألماني جاي؛ فجه الولد زي الألمان أشقر، ولما رحت جنوب أفريقيا، كانت مراتي حامل في الولد التاني، وقعدت برضه في البلكونة فبقت تشوف واحد أسود رايح وواحد أسود جاي؛ فجه الولد أسود، فقالت له أمه يوم ما حملت فيك قعدت في البلكونة قدام الزريبة، وحمار رايح وحمار جاي فرزقني ربنا بيك.

****
مرة واحد متجوز عنده دولاب قفله 20 سنة، والمفتاح معاه هو بس... مراته هتتجنن وتعرف إيه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 ألف جنيه.. وبيضتين!!! لما رجع سألته ايه حكاية البيضتين دول؟ قالها بصراحة... كنت كل ما أخونك مرة أحط بيضاية في الدولاب... الست قالت عشرين سنه جواز ومرتين بس... مش مهم... فسألته طب والعشرين ألف جنيه؟ قالها كنت كل ما أجمع كرتونة بيض اروح ابيعها.

***

ــ فيه واحد أمه ارملة عندها مرض نفسي، وداها لدكتور نفساني قال الدكتور: لازم تجوزها واحد عمره خمسين سنة يونسها في حياتها.
وبعدين خرجوا من عند الدكتور قالت امه: ياابني دور لي علي واحد عمره خمسين سنة، وإذا ما لقيتش جيب اتنين من أبو خمسة وعشرين.

****
ــ ظابط بيزعق لمواطن و بيقول له: "إنزل من ع الرصيف يا حمار!!!" المواطن قال له: "بس ماتقولش رصيف

****
ــ واحد صعيدي راح قال لابوه "يا با رخصة السواقة بتاعتي خلصت" قال له "من لفلفتك ف الشوارع طول النهار يا ابن الجزمة!"

****
مرة واحد شاف اخوه التوأم، قال له: انت فين من الصبح يخرب بيت شكلك! أمك حمتني مرتين!

****
ــ واحد اخد ابنه للدكتور فلما ابنه دخل يكشف، طلع الدكتور يقول للأب ان ابنه مات، فطلع الولد يقول لابوه لايا باباانا ما موتش ، فرد ابوه يقول له: انكتم ياواد انت هتفهم أحسن من الدكتور

طبعا مش هكتب لكم منقول علشان
علشان كل النكت منقوله:D

ههههههههههه الله يرج شيطانك يا شيخ والله اختيارات حلوة مرة

ضحكني الصعيدي الى سافر فرنسا

ههههههههههههههههه

حاوه يا ياشا

مشكور حنفى على النكت الجميله

ربنا ما يحرمنا من طيبه روحك

تحياتى

ههههههههههههه
هههههههه
ههههه

حلوه بجد يا مان تسلم يا باشا

شكرا أخوانى على مروركم العطر

هههههههههههههههههههههههههه

كمان عجبتني نكته الصعيدي الفرنساوي

مع خالص حبي لكل الصعايدة

شكرا لك

تحيتي

شكرا للجميع

والحمد لله ان النكت عجبتكم

تحياتى

هههههههههههههههههههههههههههههه


مشكور حنفي على النكت الرائعة

هههههههههههههههههههههههههههههه




صباح العسل على الناس الحلووووووووووووووووه