إحصائية العضو

آخر مواضيعي

زرعت الورد بين اغصان صدري ليه ماتسقيه ؟
اخاف الورد يذبل وانت ماتـدري وانـا مـدري
سقيته قبل يتفتح غـلا وانـت اللـذي ترويـه
ولمحت الإبتعاد اللي يغـرّب شمسـه البـدري
دخيلك لا توهمنـي وإذا مـات الوهـم تحييـه
اذا وعدك وهم لا تزرع الأشواك فـي صـدري
من الإسلوب والتغيير للموعد بعـد قلـت إيـه
تغيّر عالم الأشواق عنـدي لـو رفـع قـدري
تقول العـذر ماتملـك بيديـك الوعـد تعطيـه
وانا اقول الأوامر من ورق ياشجـرة السـدري
تزايد لاهب اشواقي وانـاادي للغـلا وادعيـه
وانا اشوف الغلا عني تغلا ولا نـوى غـدري
غروب الشمس يرهقني وليل العشق ليه وليـه
ينـادي ياطلـوع الفجرليـه الهـم والكـدري
تواصل بالحروف وللشفايـف عالـم التشبيـه
وانا اقول الشفايف بالتلامـس ناتجـه خـدري
اخايل للمخيلـة وارتجـي هتـان لـو تمويـه
واثر هتانها فوق انتحـى مـا ينـزل لحـدري
كفخ عزم الجناح وعانق رياح الهـوى والتيـه
عرف مبداء وقال البعد للعشـاق مـن بـدري
عسى ماينكسر منه الجناح ويرجـع لماضيـه
ما دام انه ورد للمزن ما عل ونـوى الصـدري